| Wow~ 5個月喇~ 我係完全冇時間去update 呢度呀! 又係一年一度既6月, 都唔知做咩, 明明係淡季都做到癲, 皆因都係又係有人resign 左啫… 呢間公司d 人咁興6月先來走既, 真係唔明… 做到仆街, 人又未請到~ 下星期又開始返學lu, 又要搬公司, 都唔知點死… 今年年頭定左個目標明明係切勿向呢間公司再戇九架啦, 唔可以再咁樣落去架喇… 不過其實原來好難向我身上發生羅… 唉~ 而家出來做野果代既人又唔知做咩, 有野唔願做, 究竟呢個世界之後會變成點架? 好恐怖呀!!! 神呀~ 請盡快過左呢段時間啦~ 8 Jun 2009 Joane’s B’Day TST High Tea Cathy & Joane & me 請左1日假, 去左TST Shopping & high tea, 仲見到王宛芝添呀~
d 野食ok架, 又底!! 3個人食左3百幾蚊咋~    
    
夜晚約左HON HON 去諾士佛臺食飯, 今次去左食多國菜, 其實覺得麻麻地... 食左咁多次, 最好食係西班牙菜 & 上海菜, 其他都麻麻地...    
7 Jun 2009 Joane’s B’Day 魚排 年年都話攪beach party 既My Best Friend 8 Jun 生日, 今年終於都得嘗所願喇, 多得亞良今次做攪手, 不過有2位朋友仔P小姐& C小姐好似好唔想到喇~ 因為怕曬wor~ 今日有WAKE 玩架, 今次係第2次玩, 起到水呀, 開心~
 
 
 
 
 最衰影唔到企直果d啦, 下次再玩過先!!! 2 May 2009 Cathy’s B’Day 海洋公園一日遊 Cathy 6 May 生日揀左去Ocean Park玩, 人都已經咁老喇, 好耐都未去過喇~ 今次一大堆人去, 不過就睇野多, 我都係玩左個過山車咋, 哈~
 
 
 
Panda is so cute & lazy... 佢地係最高果行呀~~ 10-12 Apr 2009 復活節梅窩之旅 一行9人去左玩呀, 好耐都未試過去CAMP 喇… 頂~ 今年都唔知係咪復古年…做返一D好耐都冇做過既野啦~ 3日2夜既行程, 有3個人第2日就走左喇~ 都未影過團體相添...
  21-22 Mar 2009 Scottie’s B’Day 澳門四季酒店豪華之旅 3月20日肥仔生日, 我破天荒預備左一個好豪既生日慶祝活動比佢, 首先用2千幾蚊BOOK左2日1夜澳門四季酒店同佢住一晚, 再用2千幾蚊買左個LV銀包送比佢做生日禮物, 重來都未試過咁豪架=.= 不過間酒店真係超超超超正既~ 如果係我間屋就好啦~ 由於知道今次過來影靚野, 即時帶左細佬部大機來影添呀!!
 
 
 
 
今次食野既行程, 我地參考左一個HK人既網頁去搵一D 佢推介既野食, 但係都真係覺得麻麻地…
DAY 1 彭記TEA TIME 山長水又遠去到紅街市搵到呢間野, 叫左個豬扒包, 嘩~ 塊豬扒大到呢 HEHE~ 然後山長水又遠行去關閘搭SHUTTLE返酒店CHECK IN, 話晒間酒店咁靚又咁貴, 向酒店影相, 拍VIDEO…
 
 
  HEA到夜晚先再出去搵一間叫華軒美食既野到食, 雖然真係好出名, 但係我覺得香港既乾炒牛河好味D~ 仲有水蟹粥, 牛腸 & 椒鹽豆腐
    然後搭車去永利賭下錢先, 呢日好大霧呀, 但係個景好靘~
我地去到先用100蚊賺到900返來… 但最後倒輸500=.= SHIT~  
 
 
  
買埋個宵夜返酒店食, 好飽呀~ 係車仔檔既燒賣腸粉 + 杏香園既杏仁糊呀!!
DAY 2
咁貴既酒店梗係訓盡啦~ 12點先CHECK OUT!!! 先去金莎KEEP左D行李先, 再去大馬路搵野食, 想食滔滔介紹既牛什架, 點知SOLD OUT… 結果就求其叫左豬扒飽, 車仔麵食羅~
  再買唔好食既胡椒餅, 又話台灣果間, 車~ 呃人既!!
 
之後去埋最香買手信後又去左瑪加烈食TAT, 正!!!
 
  最後我地返金莎又擺底d野, 跟住就去左文化中心做文化人, 其實係去入面間餐廳食DINNER, 上網睇係一間又底又好食既正宗葡菜來架, 唔知係咪正宗得濟呢? 覺得好普通, 冇特別, 早知去返美嚼食啦~    
  
 
豪玩之旅就咁完左喇~ 11~15 Feb 2009 情人節長灘島之旅全紀錄
今年情人節, 加上拍拖一週年紀念, 所以我地自遊行去左菲律賓長灘島旅行慶祝一下~ 
介紹: 長灘島 BORACAY 係位於個菲律賓既一個小島, 陽光與海灘, 冇SHOPPING MALL 既一個小島, 係呢個島上面只有RELAX!! 海水好清, 係淺綠色架, , D沙好似CREAM一樣咁幼, 日落勁靚, 仲有好多星星睇添~ 心情真係好愉快, 我覺得一生人係好應該去一次, 今次既旅程係一個好好既回憶!! 原本航班資料: ARRIVAL FLIGHT: 11 FEB PR313 HKG/MNL 0830/1030 11 FEB PR325 MNL/CATICLAN 1205/1315 DEPARTURE FLIGHT: 15 FEB PR78 CATICLAN/MNL 1720/1830 15 FEB PR312 MNL/HKG 1955/2155 出發前心情: 向出發之前我同男朋友其實炒左場大交, 加上最近公司令到我好心淡既情況底下, 心情其實都已經好差架喇, 再CHECK 埋長灘島既天氣報告既時候, 發現五日全密雲, 第3,4日仲要落大雨+閃電添… 簡直係趺到落谷底… 去一個陽光與海灘既地方竟然係5日都冇陽光… 明明呢個時候唔係雨季架嘛, 仲要CHECK到返左香港之後果日係天晴架WOR, 即時覺得自己有D黑仔… 真係有D想放棄唔去呀… 但係我梗係唔會同D錢鬥氣既… 出發前準備: AGENT CONFIRM 左來回程向馬尼拉轉機時係唔駛自己羅行李&會自動轉去CATICLAN / HKG機場, 我只需要向目的地羅行李就OK. 之前一星期內已經執好晒行李, 只爭暈浪丸要向機場買, 同埋去到馬尼拉唱錢2樣野啫! 我懷住既興奮又驚會冇太陽既心情等出發!! 終於到左11 FEB, 我地一早5點九就起身梳洗出發啦!! DAY 1 - 11 Feb 09 菲航個COUNTER向香港機場既TERMINAL 2, 今次係我地第一次踏足呢度, 有D期待用新野…但係唔知係太早丫定係呢邊冇咩人CHECK IN呢?! 人影都冇隻, 咩鋪都未開… 得間7-11 ONLY (P.S.睇張廣告既時候係好多SHOP既…) 有D失望添… 因為我地成7:15先到咁梗係趕住去CHECK 完 IN 先至諗住去買暈浪丸, 食早餐&買煙架啦, 點知我去到COUNTER CHECK IN 時, 撞到我家姐個朋友小茹, 原來佢係呢度做架… 講左幾句之後, 壞消息就開始來啦… 佢地話我知去到馬尼拉係要自己拿行李然後轉機場再CHECK IN先去到CATICLAN, 轉機需時其實要2個鐘.. 即係話我地一定趕唔切羅… 我即時O左咀… 咁早又搵唔到個AGENT.. 都唔知點算… 佢地都即時叫我補$160成功幫我轉左下一班機飛CATICLAN! 回程其實亦都一樣, 不過佢地CHECK到15 FEB 成日都冇位再可以轉喇, 而馬尼拉飛HK果程亦都係15 FEB既最遲既一班… 如果真係趕唔到既話, 我地係要每人用成2千幾蚊再買過張飛向16 FEB 朝先返到HK… 嘩~ 果一刻即時灰爆, 點解真係咁黑架??? WHAT’S THE HELL?? FUCKL’N!! 我地向個COUNTER 度都攪左好耐, 結果已經至冇時間比我去買暈浪丸啦, 食早餐啦 同埋煙… 臨上機前叫左小茹幫我打電話比個AGENT CHECK 清楚可以點攪就上機喇… 心情係燥到爆… 又咩都做唔到, 只有聽天由命, 勁擔心羅… SHIT!! 上到機仲要扮開心係度影DV… 真係想死… 其實果時我地好肚餓架~~ 食完個飛機餐先有返小小心情, 其實原本諗住上機可以訓下, 點知發生件咁既事, 跟本就訓唔著… 唉~   
去到馬尼拉個機場就趕住去羅返D行李出去唱錢+買煙, 好彩有我地食既煙啫~ 不過唱錢位就得一間, 即係話個RATE 幾唔靚都要唱羅, 仲要我地趕時間轉機場, SO 我建議下次應該向HK唱定先~ 然之後我地就去左搵shuttle bus 轉去機場喇, 個職員話我地知要30分鐘先有… shit!!! 我地去到terminal 3 時都已經12:00喇, 好彩我地轉左晏一班機咋, 如果唔係真係趕唔切呀~ 嘩~簡直當我地係地擔呀!! Shit!!!  
降落到CATICLAN 既小型機場, 一出閘一大班黑紋紋既人一擁而上搶住幫你羅行李, 跟本唔夠佢搶, 唯有就範啦~ 算啦, 比P20 (HKD4) 就唔洗羅行李, 做下貴賓啦, 哈哈~ 之後上左酒店專車搭左5 mins 又轉船了~ 其實因為我地遲左一斑機既關係, 酒店派來架專車同船只係截我地2個人咋, 勁呀!!!包車包船!! 經過大半日飛機/車/內陸機/車/船, 終於踏足”長灘島”!!! 總要轉多程車去酒店check in~ 去到都成3點lu~ 不過見到天氣都唔差, 即時鬆一口氣啦~ 即時羅左LUN & CECI 有份畫既晴天公仔出來照住先hehe!!! 長灘島係由左至右分左3 個STATION 既, STATION 1 既酒店同D沙係最靚既, 然後STATION 2再到3, 今次我地間既酒店叫做REGENCY, 位置於STATION 2, 好近市中心既一間係島上數一數二既酒店, 不過都覺得麻麻地, 建議唔洗搵間咁貴咁HIGH CLASS既去住, 因為都係不外如事啫!! Settle down 晒d野, 換過對鞋就出去搵野食醫左個肚先, 我地沿住條MAIN STREET行到去station 3, 經過好多街邊檔, 有好多特色野買~ 去到一間快餐店諗住食架喇, 諗諗下都係唔好, 行返去STATION 2 既D MALL 入面搵左另一間吸引D既快餐店食野, 味道OK WOR~   
醫好個肚之後, 我地就去左行街街喇~ 買左沙灘裙啦, salon 啦, 男友買左拖鞋啦, 短褲咁啦!! 之後搵左一間向海既餐廳食燒野, 由於長灘島出名食bbq既野, 我地就叫左豬扒啦, 尤魚啦, 大蝦啦, 仲有一條叫blue mary 既魚, but 條魚超難食… 硬到咬唔到既 shit~ 食飽飽就返酒店休息喇~
   
    雖然密雲, 但係比我影到張咁靚既相~hehe
DAY 2 - 12 Feb 09 密雲, 間中有太陽!
9點起身, 先去食個Breakfast buffet 先, 好多choice, 好好味!! 我同肥仔都好滿意!!! 食飽飽上去換過套衫出海灘搵船家join function lu~
 
搵左一個叫Eric & 一個叫Orly 做guide, 聽左好耐都聽唔到佢地個名, 最後要佢地出示工作證先知佢地個名… 賓賓d英文真係好難聽… 今日見個天開始密雲, 我地就揀左出去玩浮潛先, 費是之後幾日天氣唔好… 開船出海時都幾猛太陽, 半個鐘到浮潛既地方, 果日好大浪, 如果唔用救生衣同繩都唔知浮左去邊呀, 可惜少少陰天, d 水唔多清… 不過真係有好多魚仔~ 好靚! 玩左一陣, 我就頂唔順, 覺得好凍咁, 然後上返艇休息, 吹多2下風仲想嘔添!! 身體真係唔好呀~
 
 <= 好多魚仔呀~~
之後車左我地去一個島上面參觀一d cave, 最衰大浪大風, 我地完全落唔到去玩=.= 蝕晒!! 未夠3個鐘, 我地就返左上岸lu! 然後我地搵到唯一一檔有COLOR 既Hanna tattoo 鋪頭幫襯~ 點知好多人, 我地就去左沙灘訓一陣, 晒左一陣太陽! 仲同B女影左相添~
  我揀左一個畫向腳, 一個向背, 好Q靚, 我好鐘意呀! 肥仔畫左一個向手臂, 太勁來架!!! 之後返酒店沖個靚涼, 再裝身出去搵飯食喇, 成個下晝冇食過野, HEHE 今晚揀左D-MALL 入面一間GREECE 菜, 環境好好, 浪漫 + HIGH TECH!!! 野食都算OK!! 食完我地去左沙灘對海位做左個FOOT MASSAGE, 訓向海灘, 羅埋個星圖出來睇星星, 雖然有好多雲, 不過都睇到好多星星~ 靚!! 最後返D-MALL 買埋個PANCAKE食, 仲有Strawberry shake 添! 食飽就返酒店喇!!  
  
DAY 3 - 13 Feb 09 超密雲, 完全冇太陽 今日又係9點起身去食個breakfast buffet, 再上去裝身出海, 今日去肥仔最鐘意既fishing!! 開頭我都好勁架, 釣到4條魚呀, d 魚仔好靚架~ 不過唔食得, 亦都唔敢食啫! 後來d浪越來越大, 攪到d魚唔見晒… 至於肥仔呢, hehe 白果王既朵果然唔係浪得虛名架!!! 玩到後段都冇魚上釣, 2個鐘到啦, 就上返岸喇~ 肥仔勁失望呀!!! 唔緊要啦, 自在過手癮啫, RIGHT?
 
 
 
釣唔到魚去醫肚啦~ 揀左間啱晒牛魔王去食既BURGER SHOP, D飽好Q大個架, 但係你話味道呢, 雖然都好味, BUT 我鐘意香港既金船長多D羅!!! 向我地食野途中, 研究下人地既行程表既時候, 發現我地呢2日JOIN既Function 好似比人地貴左好多咁, shit~ 其實係有得講價架, 係at least 一半羅… 蠢左2日添, 頂=.= 之後我地仲有一個function 係渣高卡車上山參觀, 今次仲唔同佢講返價呀, shit!!! 幾經辛苦講完價後, 果2個guide 即時黑面啦~
  
好彩上到山比完入場費後係有另一個guide 帶我地上山啫, hehe!! 出發前, 佢地有幾個員工向度睇我地架車, 勁有racing feel 羅… 呵呵~ 到開始出發時, 我都不知幾驚呀, 肥仔冇車牌架嘛, 仲要渣出馬路羅, 嚇死我呀~ 行完馬路再來一段泥路, 嘩~ 一落車, 周身都係塵, 成個太陽眼鏡都係… 帶我地上出果個男仔好好笑架, 成隻monkey 咁周圍走, 又係咁禽高禽底幫我地影相羅~ 呢度係長灘島既最高點, 睇晒全島既景色… 最衰密雲啦~ 影d相出來都冇咁靚架... 玩左1個鐘到啦, 諗住渣返車落山啦, 點知撻極都撻唔著車wor, 然後亞monkey自己渣返落山搵人救喇~ 等左差唔多半個鐘先返來呀, 仲開始天黑添呀… 向我地等緊既途中, 我打返香港搵小茹睇下單野攪成點啦, 佢又冇聽wor, 打比個agent 又話菲航果邊攪錯, 係菲航果邊要比返錢我地, 又話要check返機場果邊究竟d 行李仲駛唔駛羅wor, 叫我轉頭覆, 點知班粉腸冇聽電話羅, 都唔知想點, 燥底呀~ 我地足足擔心左咁多日都冇回覆, 仆街丫… 唔惦呀~ 我地唯有盡趕啦, 趕唔到都要佢地賠架喇…
 
 
  落到山返酒店沖返個涼, 見到個好靚好靚好靚既日落~ 換返套靚衫再出去搵野食, 今晚去左wet market D-talipapa, 入面其實係一個街市, 有好多海鮮檔, 然後有好多鋪頭幫你煮來食既, d海鮮好平, 我地買左2隻大蝦, 一隻大蟹P500仲有墨魚P100, TOTAL都係HKD125咋, 係D龍蝦唔知點解好Q貴啫… 然後搵左一間幾有情調既餐廳坐底, 發現個WAITER 勁似大PAT羅, HAHA! 我當然ORDER 返柸Banana shake 啦, 肥仔also 係新力啤既!! 佢地煮得好好味呀~ 收左我地P410咋!  
 
   
DAY 4 - 14 Feb 09 情人節 落大雨 今日起身, 落超大雨…好彩我地前2日玩晒d 活動啫!!  
一早梗係落去食個超正早餐啦!! 之後上酒店hea左個幾鐘到12點幾, 冇咁大雨我地先出去, 今日係情人節, 所以有好多個好靚既沙鵰呀!! 我地好浪漫咁行左去Station 1, 嘩~ d 沙靚到不得了… 勁似cream呀~ 好鐘意呢個feel呀, 從未試過d沙咁靚架~ 我地去左FRIDAY 食LUNCH, 叫左一個pizza 加一個pasta, 好味呀!!!
 
    食完行返去向酒店附近對開既沙灘區落水… d 水好凍呀~ 仲叫左2杯Pina Colada 買一送一底到爆呀~ 玩左一陣, 我地就返上去沖身出去Wet market 買手信喇!! 今日係情人節, 島上所有餐廳都佈置都好浪漫呀~~ 結果我地買手信都已經買到好夜lu… 搵左一間有人唱live既buffet bar 到食, 好有情調呀~ 之後就返左酒店lu~ 返到去仲要執行李呀!! 個喼可能超重!!
 
  DAY 5 - 15 Feb 09 超勁好太陽 今日冇再去食BUFFET喇, 訓晏D嘛, 12:00要CHECK OUT, 所以訓到11點先起身執好野, KEEP 好D行李向COUNTER就出去搵野食喇, 最後一餐我地全揀返第一日來到時想食果間燒雞SHOP架, 哈~ 不過味道好一般…我地仲臨別秋波飲多杯BANANA SHAKE 添~ 真係好好味呀~
  食完行返酒店時, 有個賓賓好好人咁帶左我去買椰油呀, 我搵左幾日都搵唔到呀, 幾好人呀~ YEAH!!! 聽講用左晒D色出來靚D 架, 帶返香港慢慢用!!! 最後要離開呢個咁靚既地方, 又再搭車, 轉船, 轉內陸機再轉SHUTTLE 去大機場轉機返香港喇, 頭尾冇左大半日X2 呀!! 不過真係好值得去架!! 回程都算好好彩, 搭內陸機時問佢可唔可以轉早一斑機, 要趕機返香港, 好彩有2個好幫得手既地勤幫我轉早左一斑機, 不過都係DELAY 架, 但都早左半個鐘飛, 轉SHUTTLE 時仲要塞車… 我地都係梗梗上到大機咋~ 返到香港問返間菲航 & TRAVEL AGENT 都唔知佢地邊個唔啱, 最後好似係菲航條友自己賠比我地…
 
  |
今個月function都係咁多, 又有排update lu...
